Ընկերության արդյունավետ կառավարման հիմքը հանդիսանում են բիզնես պրոցեսները։ Որպես կանոն, ցանկացած բիզնես պրոցես իր մեջ պարունակում է տվյալների մեծ քանակ, որը անհրաժեշտ է վիզուալիզացնել՝ ներկայացնել բլոկ սխեմաների կամ քարտեզների միջոցով։
Հիմնականում քարտեզի հիմքում ընկած են մի քանի կարևոր դրույթներ, որոնք անհրաժեշտ են էֆեկտիվ աշխատանքային գործընթացի համար՝
1. Ով է հաճախորդը
2. Ինչ ապրանք/ծառայություն ենք ներկայացնում հաճախորդին
3. Որոնք են հաճախորդի պահանջները
4. Ապրանքի/ծառայության ստեղծման պրոցեսը
5. Հիմնական պրոցեսների սկիզբ և ավարտ
6. Հիմնական պրոցեսների արդյունքը և հետագա ընթացքը
Բիզնես պրոցեսների վիզուալիզացիան բարելավում է հաղորդակցությունը և համագործակցությունը։ Այն մեկնարկային կետ է հանդիսանում պրոցեսում ընդգրկված բոլոր աշխատակիցների համար։ Բիզնես պրոցեսների քարտեզները հաճախ օգտագործվում են տվյալ պահին ընկերությունում կատարվող աշխատանքի գործընթացը նկարագրելու համար։ Քարտեզի շնորհիվ կարելի է տեսնել գործառույթների համադրության, աշխատանքի ակտիվության, մուտքերի և ելքերի ընդհանուր պատկերը։
Այսպիսով հնարավորություն է ստեղծվում՝
1. Բացառել պրոցեսի այն քայլերը, որոնք ավելորդ են և էական դեր չունեն հիմնական նպատակին հասնելիս
2. Հեշտությամբ կատարել փոփոխություններ բիզնես պրոցեսում
3. Ընդգծել ընդհանուր պրոցեսի արդյունավետությունը
4. Գնահատել ընթացիկ ձեռքբերումները
Վերլուծելով բիզնես պրոցեսի քարտեզը կարելի է բարձրացնել աշխատանքի և հաճախորդների սպասարկման որակը։
Բիզնեսի պրոցեսի քարտեզի վերլուծությունը թույլ կտա՝
1. Կրճատել պրոցեսի տևողությունը
2. Նվազեցնել ծախսերը
3. Խուսափել սխալներից
4. Բարձրացնել արտադրողականությունը և սպասարկման որակը
Որպեսզի բիզնես պրոցեսների քարտեզը լինի մաքսիմալ արդյունավետ, անհրաժեշտ է քարտեզի ստեղծման նախնական փուլում տվյալների ամբողջականություն և համագործակցություն բիզնես պրոցեսում ներգրավված բոլոր աշխատակիցների հետ։ Գործնականում արդյունավետ քարտեզը պետք է լինի հնարավորինս պարզ և հասկանալի։